සංඝ රත්නය

නවදහස් හත්සිය අසූ කෝටි පනස් ලක්ෂ සතිස් දහසක් සංවර ඇත්තා වූ ප්‍රාතිමෝක්ෂ සංවර ශීලයෙන් හා මාර්ග සම්‍යක් දෘෂ්ටියෙන් ද ඔවුනොවුන් හා සමාන වූ තථාගතයන් වහන්සේගේ ශ්‍රාවක වූ, සැරියුත් මුගලන් ආනන්ද රාහුල ආදි පුද්ගල සමූහය ආර්ය සංඝරත්නය ය .

පුද්ගලයන් අදෙනෙකු ඇති බැවින් එයට අෂ්ඨාර්ය පුද්ගල මහා සංඝරත්නයයි කියනු ලැබේ. ඒ සංඝරත්නයට අයත් අාර්ය පුද්ගලයෝ අට දෙන නම් 

01 සෝවාන් මාර්ගස්ථ පුද්ගලයා ය.

02 සෝවාන් ඵලස්ථ පුද්ගලයා ය.

03 සකෘදාගාමී මාර්ගස්ථ පුද්ගලයාය.

04 සකෘදාගාමී ඵලස්ථ පුද්ගලයාය,

05 අනාගාමී මාර්ගස්ථ පුද්ගලයාය,

06 අනාගාමී ඵලස්ථ පුද්ගලයා ය,

07 අරහත් මාර්ගස්ථ පුද්ගලයා ය ,

08 අරහත් ඵලස්ථ පුද්ගලයා ය,

යන මොහු ය.

ආර්ය පුද්ගලයන් අට දෙනා අතුරින් සෝවාන් පුද්ගලයා හට සක්කාය දිට්ඨි, විචිකිච්ඡා, සීලබ්බත පරාමාසය යන සංයෝජන තුන නැත්තේ ය. ඔහුට කාම රාගා දී අවශේෂ සංයෝජන ඇත ද ,ඒවා ඇත්තේ පෘථග්ජනයන්ට මෙන් ඖදාරික පරිද්දෙන් නොව සියුම් ලෙසිනි. ස්වල්ප වශයෙන්. එබැවින් සෝවාන් වූ ආර්යශ්‍රාවකයන් වහන්සේ අපායොත්පත්තියට හේතුවන තරම් ඖදාරික පාපයන් නොකරන්න හ. එබැවින් උන්වහන්සේ අපායෙහි නූපදනාහ. ඒ ජාතියේ දී ම රහත් නොවී සසර උපාධි තත් උපදින්නේ සුගති භාවයෙහි සත් වරක් පමණකි.

සෝවාන් ඵලයෙහි පිහිටි භික්ෂූන් වහන්සේ ඒ තත්ත්වයෙහි සිට නැවත තිලක්ෂණ භාවනාවෙහි යෙදෙන සකෘදාගාමී මාර්ගය ඥානයට පැමිණ කාම රාග සංයෝජන හා ව්‍යාපාද සංයෝජන තවත් තුනී කොට සකෘදාගාමී ඵලයට පැමිණෙන්නාහ.

සකෘදාගාමී ඵලයෙහි පිහිටි භික්ෂූන් වහන්සේ නැවතද විදර්ශනා කරන සේක, අනාගාමී මාර්ගය ලබා, කාම රාග සංයෝජන හා ව්‍යාපාද සංයෝජන නිරවශේෂයෙන් ප්‍රහාරණය කොට අනාගාමී ඵලයට පැමිණ සේක.

අනාගාමි භික්ෂූන්වහන්සේ නැවත භාවනාවෙහි යෙදුණු වූ අර්හත් මාර්ගයට පැමිණ ඉතිරි සියලු කෙලෙසුන් නසා අර්හත් ඵලයට පැමිණෙන සේක. ඉන්පසු උන්වහන්සේ සංසාරයේ නැවත නූපදනා සේක.

ගෘහස්ථ භූමියෙහි සිටින බොහෝ මනුෂ්‍ය දේව බ්‍රහ්ම ආර්ය පුද්ගලයා ඇත ද, ඔවුහු අධිශීල සංඛ්‍යාත උපසම්පදා ශීලයෙහි පිහිටි යවුන් නොවන්න බැවින් සංඝරත්නයට අයත් නො වෙති. මෙකල වෙසෙන පෘථග්ජන භික්ෂූන් වහන්සේ ආර්යන් නොවන නමුත් නව දහස් එක්සිය අසූ කෝටි පනස් ලක්ෂ සතිස් දහසක් සංවරය ඇත්තා වූ ප්‍රාතිමෝක්ෂ සංවර ශීල සංඛ්‍යාත ආර්ය ශීලස්කන්ධ යෙන් යුක්තව , ආර්යන් වහන්සේලා අනුව පිළිපදින බැවින් සංඝරත්නයට අයත් වන සේක. පරිජි ඇවතට පැමිණියෝද ,උපසම්පදාව පිහිටිය හැකි සේ විනයගත පරිද්දෙන් උපසම්පදාව නොලබා, උපසම්පන්නයන් හැටියට පෙනී සිටින්නෝ ද සංඝරත්නයට ඇතුළත් නො වෙති.

වැඩිවිස්තර සදහා මෙතනින් පිවිසෙන්න

dhammadeepa.lk